2022年過成點
- mminglee
- 2022年8月26日
- 讀畢需時 3 分鐘
／由於太耐冇寫blog，但好多事情都想好好記錄，所以係手機album由2021年9月—2022年8月開始一路揀啲想記錄既事。
好隨心既～
2021.10余嘉萍岩岩升做主任，我地一齊出去SSP食好味cafe^^
2021.10媽咪生日，買咗個拉錢蛋糕，好似入面有$2000？媽咪好開心🤣
2021.10 西瓜B生日 雖然我地唔會成日見，但一見就會傾好多偈！
2021.10婆婆返老人中心帶返嚟既作品，佢好比心機填顏色^^
2021.10 學校萬聖節 好多BB都好得意呀！
2021.11司徒琪生日，我地訂咗個超靚既蛋糕，上面有哂我地啲名！
其實好開心成班都ONJJ 大家先玩得咁開心HEHE~
2021.11同茵茵去咗我超愛既PINKOI市集！超開心！氣氛好好～
到底我有冇機會可以擺到呢？
2021.11 calvin仔同April結婚啦！一齊住咗咁耐，真係會有啲唔捨得 希望你地幸福快樂！
2021.12終於寫到12月啦！聖誕節一大班同事又去陳屋企開P﹑又去咗CAMP(打正風落大雨咁去)﹑又同朋友食咗飯…好開心既聖誕節！🎄🎄🎄
當然最開心係同呢幾個靚女一齊去西九野餐同去睇燈飾 影返一百幾廿打打卡相先啦
2022.1好喇！終於嚟到１月啦，我已經開始眼訓，不過我都會繼續寫既
大件事！婆婆生日，佢個樣好得意呀，佢好開心^v^
2022.2 仲停緊課 有時間日日做一個幾鍾運動 個腹有d線條 可惜已經返唔到轉頭…
呢張圖係同事整比我既 請問咩意思？🤣
2022.3 開始放暑假既時候！西瓜帶咗我去玩，自此我既暑假就精彩喇，因為大家成日都一齊去玩，好開心！
我記得3月18係第一次上去食飯
跟住３月尾就凌晨行山去睇藍眼淚 但結果剩係睇到南亞裔🤣通完頂仲要搭船去遊山玩水～
2022.4 用開心科學園踏單車日嚟開展四月份～
2022.4然後好開心可以同米豬仲有比比一齊食同玩🥰🥰
2022.4「賢髮廊」做咗三十幾年，終於都要搬LU，不過好好彩，咁岩隔嚟就有得出租，成件事真係好感恩！而且我覺得新舖靚好多好多！
2022.5不停有飯局咁食 又見到好多想見既人 好滿足！
好喇寫到呢度我已經唔想寫，因為仲有好多野等住我做，而且好眼訓，不過我都唔會放棄既！
繼續！
2022.6我生日係一定要大搞架喇(講笑) 好感恩好開心咁多人鍚自己，大家都好有心，點解我咁ON J都有人肯對我咁好？😭
２０２２。７
近畢業同升班既日子～同咗蛇加平 張芷菌去alex度攀石！好玩！
其實我都幾鍾意學吓新既野，不過最重要係同佢地兩個去，咁就去邊同做咩都開心～
然後返咗永隆做司儀，今件係第二年啦，每次返嚟都好有歸屬感
畢業季收到好多禮物，其實啲家長同小朋友真係好有心思，特別收到親手寫既信，又感動又開心，希望你地健康快樂咁長大。
２０２２。８
８月都幾開心！去咗迪士尼，一定係著住套中國紅既制服周圍玩同影，但嗰日大家都好開心，因為帶完畢業生影相，老師有自由時間去玩，仲冇咩人唔洗排隊！我地係難得有時間可以一齊放鬆吓～～
然後又去攀石啦，又去party room啦～好滿足呀！
今年得兩日暑假就開學，其中一日去咗藍地玩 再上山景飲飲食食
最後一擊就去獨木舟，第一次玩，其實望住個天都幾舒服，而且冇想像中既攰
但最深刻係埋岸影完相之後，有好多隻水強強上咗隻船，然後一路發現爬咗上腳，差啲跳船🤣
２０２２年雖然忙碌，但的確過得唔錯，睇返都有成日去玩既日子，亦都有重要既人係身邊。
有時簡單咁諗，可以有健康既身體去忙碌，有能力去做自己想做既事，可能都係一種幸福。
呢種諗法需要不斷被提醒，但接下來既日子我希望將呢種諗法變成一種生活態度
改變唔到事實，就改變心態，或者係刀槍不入既最佳方法
李敏名加油！
。
。
。
Comments